Blogak 2.0 jardunaldiak

Ostegun honetan, apirilak 6, Blogak 2.0 jardunaldiak egingo dira Deustuko Unibertsitatean. Jardunaldi inportanteak, bertan goi mailako adituek hitz egingo baitute Web 2.0 fenomenoaren gainean.

Helburuak
Antolatzaileek honako helburu hauek dituzte jardunaldi hauekin:

• Azaltzea Web 2.0 aplikazioen hainbat esperientzia.
• Prestakuntza teknikoa eskaintzea gaur egun erabiltzen diren hainbat teknologiaren inguruan: Ajax, APIak, feed-ak, mikroformatuak eta gizarte-softwarea.
• Web 2.0k eskaintzen dituen aukeren berri ematea, eta, traktore-elementu izan daitezen, gure inguruan egiten ari diren proiektuen berri ematea.
• Web 2.0 aplikazioak garatzeko interesa dugun guztiok ekitaldi bateratu batean biltzea, hobeto ezagutzeko elkar eta Euskadin ekosistema txiki bat sortzen saiatzeko.

Gaiak
Gaiei dagokienez, honako hauek jorratuko dira:

• Blogak
• Wikiak
• Gizarte-tresnak
• Web-zerbitzuak eta APIak
• Mikroformatuak
• Edukien bilketa
• Podcast-ak
• Tag-ak eta folksonomiak
• Informazio bilatzaileak
• Web semantikoa
• Eduki libreen lizentziak

Dagoeneko 100dik gora lagunek eman dute izena jardunaldiotan. Argibide gehiago nahi duenak, jardunaldietarako propio sortutako blog honetan aurkituko du.