Asier Irizarrek gomendatuta, atzo instalatu nuen laneko ordenagailuan Euskalbar. Plugin hau Firefox nabigatzailean ezartzen da, eta balio du euskara-gaztelania edo gaztelania-euskarak klik batez kontsultatzeko. Hiztegi hauek ditu kontsultagai: Euskalterm, Hiztegia 3000, Elhuyar, Hiztegi Batua eta Itzul.
Erreminta zoragarria iruditu zait, bost hiztegi irekitzen dizkigu-eta nabigatzailean. Euskaraz asko idazten dugunontzat, perla bat. Zorionak, bada, Juanan Pereirari, lan bikaina egin baitu. Mereziak ditu, bai horixe, nahi adina garagardo. Nahi baduzue instalatu, klik egin Librezale elkartearen webgunean. Hortxe duzue, beste extentsio askoren ondoan.
No comments:
Post a Comment