2006/04/24

Liburu interesgarria irakasleontzat

Justu oporretarako iritsi zitzaidan liburu hau Amazon liburu-dendatik —Blogs, Wikis, Podcasts, and Other Powerful Web Tools for Clasrooms, Will Richardson irakasle blogariak idatzia—, eta arreta handiz irakurri dut, altxor bat iruditu baitzait, erabat gomendagarria ikasgelan teknologia berriak erabili nahi ditugun irakasleontzat.

Will Richardsonek argi azaltzen du nola sareko erremintek sor ditzaketen ikasteko formatu berriak, eta esplikatzen du nola erabili erreminta horiek ikasgeletan, inplikatzeko ikasleak ikaskuntza interaktiboan. Ikasleekin landu beharreko trebetasun berriak agertzen ditu, eta horretarako hainbat adibide landu, lotura interesgarriak eskaini eta ideia mordoa plazaratzen ditu.

Edukiak
Hori guztia lantzeko, Will Richardsonek eduki hauek lantzen ditu liburuan:
  • Blogak.
  • Wikiak.
  • RSSak
  • Agregatzaileak.
  • Gizarte bilketak.
  • Argazkiak sarean.
  • Pokastinak.
Web 2.0 ikastaroan emango ditugun programa asko agertzen dira liburu honetan, bakoitza testuinguru aberats batean azalduta. Beraz, Web 2.0 nola aplikatu ikasgelan ikasi nahi duzuen irakasleok hemen duzue liburu bat, erabat gomendagarria.

No comments:

Post a Comment