2005/11/03

Iritsi da USB adimentsua

Gailu txikiak dira, supiztekoaren tamainakoak zenbaitetan, baina bere barrenean dokumentuak ez ezik, programak ere gorde ditzakete, edo ordenagailu baten mahaigainekoa. “USB adimentsuak” deritze, aurten bertan sortu dira, eta aldaketa handiak ekar ditzakete nola darabilgun ordenagailua.

Lehendik ere ezagutzen genituen USB drive deiturikoak, zeinak baitarabilte “flash” memoria, diskorik erabili gabe. Aurten bertan horietako 85 milioi ale salduko dira munduan, eta datorren urtean 115 milioi. Arinak dira, fidagarriak eta erosoak dokumentuak PCrik PC garraiatzeko. Baina orain etorri dira USB adimentsuak, zeinek eramango baikaituzte urrats bat harago, izan ere, gailu horiei esker bidaiatuko dugu geure dokumentuak aldean daramatzagula, baita aplikazioak eta gure gustuko mahaigainekoa, geure ordenagailuan erabiltzen duguna.

Horrela, inoren ordenagailuan sartzen garenean, nahikoa izango dugu geure USB adimentsua sartzea, ordenagailu hori erabat pertsonalizatzeko, guk nahi bezala. Ateratzen dugunean, berriz, ordenagailua lehengo moduan geratuko da, gure dokumentuen arrastorik gabe.

Lehendik ere idatzi izan dugu Gizakom honetan bertan gailu horien gainean, bizkar zorro digitalaz, baina orain horretaz gehiago jakin nahi izanez gero, irakurri hemen.

1 comment:

  1. Anonymous7:48 AM

    Survey: One in five teens have own blogs
    Nearly three in five school-age teens with Internet access have created online content, including Web pages with artwork, photos and stories - and about a fifth have their own blogs, which also allow friends ...
    Find out how to buy and sell anything, like things related to road construction safety equipment on interest free credit and pay back whenever you want! Exchange FREE ads on any topic, like road construction safety equipment!

    ReplyDelete