Sarelariak izeneko posta zerrenda sortu dugu HUHEZIn, Web 2.0 ikastaroa egiten ari garenen arteko komunikazioa areagotzeko. Anjel Lertxundiren omenez izendatu dugu posta zerrenda hori, berak sortu baitzuen izen hori Hitz beste bere blogean, internauta hitzaren sinonimo gisa.
Gure ustez, euskal idazleen artean Anjel Lertxundi egokitu da hobetoen Internetera, XME eta Julen Gabiriarekin batera, eta bere blogean sekulako perlak uzten dizkigu egunero: euskal blogosferaren analisia dela, post scriptum zoragarriak direla, non idazleak bere idazkuntzaren tripak erakusten baitizkigu, hitz berriak asmatzen dituela… beti ematen digu pozerako motiboa.
Horregatik, gustuko dugulako zer idazten duen, eta estimatzen dugulako zer ahalegin egin duen teknologia berrietara egokitzeko, ausartu gara Sarelariak izena hartzera. HUHEZIko blogarion omenaldia izango da. Bejondeizula, Andu!
Bejondeizuela zuei eta arrakasta on.
ReplyDeleteAnjel